OMMAVIY OFERTA

IJROCHI REKVIZITLARI:
MCHJ "CORSA", INN 311817724, YURIDIK MANZILI: Toshkent shahri, Yashnobod tumani Cho'lpon MFY, Paxlavon Maxmud ko'chasi, 26-uy, WEBSITE MANZILI CORSA.UZ

Toshkent sh., O‘zbekiston Respublikasi
"CORSA" Mas’uliyati cheklangan jamiyati (MCHJ) (keyingi o‘rinlarda — "Ijrochi"), Ustav asosida faoliyat yurituvchi Direktor nomidan, jismoniy va yuridik shaxslarga (keyingi o‘rinlarda — "Buyurtmachi") ushbu Ommaviy ofertani (shartnomani) taklif etadi.
1. UMUMIY QOIDALAR
1.1. Mazkur hujjat O‘zbekiston Respublikasi Fuqarolik kodeksining 369-moddasiga muvofiq rasmiy ommaviy taklif (oferta) hisoblanadi.
1.2. Buyurtmachi tomonidan xizmatlar yoki tovarlar uchun to‘lovning amalga oshirilishi mazkur Ofertani to‘liq va so‘zsiz qabul qilish (aksept) hisoblanadi.
1.3. To‘lovni amalga oshirish orqali Buyurtmachi ushbu Oferta shartlari va Maxfiylik siyosati bilan tanishganini va ularga rozi ekanligini tasdiqlaydi.
2. SHARTNOMA PREDMETI
2.1. Ijrochi Buyurtmachining talabiga binoan xizmatlar ko‘rsatish yoki tovarlarni taqdim etish, Buyurtmachi esa buning uchun haq to‘lash majburiyatini oladi.
2.2. Ijrochi tomonidan ko‘rsatiladigan xizmatlar ro‘yxatiga quyidagilar kirishi mumkin:

• Vaqtinchalik joylashtirish xizmatlari (Corsa Apartments xonadonlarini band qilish va ijaraga olish);
• Maishiy va tozalash xizmatlari (xonadonlarni tozalash, ximchistka va binolarga xizmat ko‘rsatish);
• Axborot va maslahat xizmatlari (eksklyuziv materiallar, qo‘llanmalar va bilimlar bazasidan foydalanish huquqini berish);
• Transfer va kuzatib borish xizmatlarini tashkil etish;
• Qo‘shimcha tovarlar savdosi.
• 2.3. Aniq xizmat turi, uning hajmi, narxi va bajarish muddatlari veb-saytda yoki Telegram-botda tegishli xizmat tavsifida ko‘rsatiladi.

3. TO‘LOV TARTIBI
3.1. Xizmatlar narxi milliy valyuta — so‘mda (UZS) ko‘rsatiladi. Agar saytda valyuta tanlash imkoniyati mavjud bo‘lsa, konvertatsiya xizmat ko‘rsatuvchi bank kursi bo‘yicha amalga oshiriladi.
3.2. To‘lov 100% oldindan to‘lov shaklida bank kartalari (Uzcard, Humo, Visa, MasterCard) va to‘lov tizimlari orqali amalga oshiriladi.
3.3. Mablag‘lar Ijrochining hisob raqamiga kelib tushgan vaqt to‘lov amalga oshirilgan vaqt deb hisoblanadi.
4. MABLAG‘LARNI QAYTARISH SIYOSATI (REFUND POLICY)
4.1. Band qilish (Bron) xizmatlari uchun:

• Agar band qilish (bron) kelishilgan vaqtdan 24 soat oldin bekor qilinsa, to‘langan summaning 100% qismi qaytariladi.
• Agar bekor qilish 24 soatdan kam vaqt ichida amalga oshirilsa, birinchi sutka uchun to‘lov jarima sifatida ushlab qolinadi.
• 4.2. Raqamli/Axborot xizmatlari uchun:
• Buyurtmachiga yuborilgan yoki foydalanish imkoniyati berilgan sifatli raqamli mahsulotlar (fayllar, qo‘llanmalar) uchun mablag‘lar qaytarilmaydi.
• 4.3. Boshqa xizmatlar uchun:
• Xizmat ko‘rsatish faktik boshlangunga qadar asoslantirilgan rad etish holatlarida mablag‘ni qaytarish mumkin.
• 4.4. Mablag‘larni qaytarish to‘lov amalga oshirilgan bank kartasiga 5-10 bank ish kuni ichida o‘tkazib beriladi.

5. TOMONLARNING JAVOBGARLIGI
5.1. Ijrochi ko‘rsatilgan xizmatning Buyurtmachining subyektiv kutishlariga mos kelmasligi uchun javobgar emas.
5.2. Ijrochi Buyurtmachining bank karta ma’lumotlarini saqlamaydi. Tranzaksiyalar xavfsizligi uchun to‘lov tizimi javobgardir.