Made on
Tilda
ClipBox siz nusxa olgan hamma narsani eslab qoladi: matn, havola, rasm va fayllarni. Bitta tugma bilan ro‘yxatni ochasiz va keraklisini istalgan joyga qo‘yasiz. Windows’dagi Win + V ning Mac uchun varianti.
Ilova Apple App Store’dan emas, shuning uchun birinchi ochishda macOS bir marta ruxsat so‘raydi. Bu 2 daqiqa vaqt oladi.
ClipBox-1.1.0.dmg faylini ikki marta bosing. Ochilgan oynada ClipBox ikonkasini Applications papkasiga sudrang.
Launchpad yoki Applications papkasidan ClipBox’ni oching. “Apple cannot verify…” degan oyna chiqsa, Done tugmasini bosing.
System Settings → Privacy & Security ga kiring, pastga tushing va ClipBox yonidagi Open Anyway tugmasini bosing. Parolingizni so‘rasa, kiriting.
ClipBox ochilgach tanishtiruv oynasi chiqadi. Grant Access ni bosing va ochilgan ro‘yxatda ClipBox yonidagi tugmachani yoqing. macOS 27 da bu bo‘lim Device Control and Data Access deb ataladi.
macOS “ClipBox clipboard’ni o‘qimoqchi” deb so‘rasa, Always Allow ni tanlang. Busiz ClipBox nusxalaringizni ko‘ra olmaydi.
Ular ham ⇧⌘V ni ishlatadi. ClipBox’dan foydalanishdan oldin ularni yoping yoki ClipBox sozlamalarida boshqa tugma tanlang.
Odatdagidek nusxa oling: ⌘C. ClipBox uni avtomatik saqlab qo‘yadi.
Matn yozmoqchi bo‘lgan joyingizga bosing: Telegram, Notes, brauzer va boshqalar.
⇧⌘V bosing. Sichqoncha yonida ClipBox oynasi ochiladi.
Keraklisiga ikki marta bosing yoki ↑↓ bilan tanlab Enter bosing. U darhol joyiga qo‘yiladi.
Qidiruv. Oyna ochilishi bilan yozishni boshlang. Rasmlar ichidagi matn bo‘yicha ham qidiradi. ⚙ sozlamalarni ochadi.
Filtrlar. Hammasi, 📌 Qadalganlar, Bugun, Matn, Rasm, Havola, Fayl. Tab bilan almashtiriladi.
Element. Chapda qaysi ilovadan nusxa olingani, o‘ngda vaqti. Tanlangani ko‘k rangda.
Pastki qator. Elementlar soni. Oynani shu yerdan yoki bo‘sh joylardan ushlab surish mumkin.
Oyna ochiq turganda ishlaydi.
| Tugma | Nima qiladi |
|---|---|
| ⇧⌘V | Oynani ochadi yoki yopadi |
| ↑ ↓ | Elementlar bo‘ylab yurish |
| Enter yoki 2× bosish | Tanlanganni qo‘yish |
| ⌥Enter | Formatsiz, oddiy matn sifatida qo‘yish |
| ⌘1…9 | 1–9-elementni darhol qo‘yish. ⌘ ni bosib tursangiz raqamlar ko‘rinadi |
| ⌘C | Faqat nusxalash, qo‘ymasdan |
| ⇧⌘C | Rasm ichidagi matnni nusxalash |
| Space / ⌘Y | To‘liq ko‘rinish. Space faqat qidiruv bo‘sh bo‘lganda ishlaydi |
| ⌘P | Qadash (📌) yoki qadashni olish |
| ⌘⌫ | O‘chirish |
| ⌘O | Havolani brauzerda ochish yoki faylni Finder’da ko‘rsatish |
| ⌘ + bosish | Bir nechta elementni tanlash |
| ⇧ + bosish | Oraliqni tanlash |
| Tab | Keyingi filtr |
| Esc | Qidiruvni tozalash, keyin oynani yopish |
| ⌘, | Sozlamalar |
Sichqonchaning o‘ng tugmasi bilan bosilganda ham shu amallar menyusi chiqadi.
Tez-tez ishlatadigan matnlaringizni (manzil, karta raqami, shablon javoblar) qadab qo‘ying. Ular hech qachon o‘chmaydi va 📌 filtrida turadi.
⌘ bosib turib bir nechtasini tanlang: 1, 2, 3 raqamlari qo‘yilish tartibini ko‘rsatadi. Enter bosilganda matnlar har biri yangi qatordan qo‘yiladi.
Skrinshot va rasmlardagi matnni ClipBox o‘zi o‘qiydi. Masalan, chipta skrinshotini undagi so‘z bilan qidirib topasiz. Rus, ingliz va o‘zbek lotin yozuvi yaxshi o‘qiladi.
Uzun matn yoki rasmni oldindan ko‘rish uchun Space bosing: oyna yonida katta ko‘rinish ochiladi. ↑↓ bilan yursangiz, u ham almashadi.
Menu bar’dagi (ekranning yuqori o‘ng burchagi) ClipBox ikonkasi → Settings… yoki oynadagi ⚙.
| Bo‘lim | Nimalar bor |
|---|---|
| Umumiy | Mac yoqilganda ishga tushirish · tezkor tugmani o‘zgartirish · oyna joylashuvi (kursor yonida, ekran markazida, oxirgi joy) · qo‘yish usuli · til · rasmdagi matnni o‘qish |
| Tarix | Nechta element saqlansin (200–10 000) · necha kun saqlansin · e’tiborsiz qoldiriladigan ilovalar · tarixni tozalash (qadalganlar qoladi) |
| Ruxsatlar | Avtomatik qo‘yish va bufer ruxsati holati |
| Dastur haqida | Versiya va muallif |
ClipBox internetga ulanmaydi. Hamma ma’lumot faqat sizning Mac’ingizda saqlanadi. 1Password, Bitwarden, Passwords kabi parol menejerlaridan nusxa olingan parollar tarixga yozilmaydi.
Menu bar menyusidagi Pause capturing nusxalarni vaqtincha yozmay turadi. Maxfiy narsa bilan ishlayotganingizda qulay.
Oyna pastida sariq “Enable auto-paste” tugmasi turgan bo‘lsa, avtomatik qo‘yishga ruxsat berilmagan. Tugmani bosing va ro‘yxatda ClipBox’ni yoqing.
Ro‘yxatda ClipBox yoqilgan bo‘lsa-yu, baribir ishlamasa: uni ro‘yxatda tanlab pastdagi − tugmasi bilan o‘chiring, keyin ClipBox’dagi sariq tugmani qayta bosib yangidan yoqing. Bu odatda ilova yangilangandan keyin kerak bo‘ladi.
Shu tugmani boshqa ilova ishlatayotgan bo‘lishi mumkin. ClipBox buni sezsa, menu bar menyusida qizil ogohlantirish chiqaradi. O‘sha ilovani yoping yoki Sozlamalar → Umumiy → Tezkor tugmada boshqasini tanlang, masalan ⌥⌘V.
Yuqori o‘ng burchakda ClipBox ikonkasi borligini ham tekshiring. Yo‘q bo‘lsa, ilovani Applications’dan qayta oching.
Menu bar menyusida Pause capturing belgilanmaganini tekshiring. Keyin System Settings → Privacy & Security → Paste bo‘limida ClipBox uchun Allow tanlanganiga ishonch hosil qiling.
Nusxa olgan ilova Tarix → e’tiborsiz ilovalar ro‘yxatida bo‘lishi ham mumkin.
System Settings → Privacy & Security ga kirib, Open Anyway ni bosing. Bu tugma ilovani ochishga uringaningizdan keyin taxminan 1 soat davomida ko‘rinadi.
Mac’ingiz Intel protsessorli yoki macOS 26 dan eski bo‘lsa, ClipBox ishlamaydi.
Menu bar’dagi ClipBox ikonkasi → Quit ClipBox.
Applications papkasidan ClipBox’ni Trash’ga tashlang.
Tarixni ham o‘chirmoqchi bo‘lsangiz, Finder’da ⇧⌘G bosing, ~/Library/Application Support/ClipBox manzilini kiriting va papkani o‘chiring.